Allegra!
Avon dus onns havein nus fundau la Partida verd-liberala el Grischun. En quels dus onns eis ei reussiu a nus dad etablir ina forza politica nova, frestga ed independenta. Adina dapli persunas separticipeschen vid la realisaziun da nossa visiun d’in cantun Grischun finanzial, ecologic e social persistent.
Suenter dus onns d’intensiva lavur selegrein nus fetg dallas proximas elecziuns. Bugen purtassen nus nossa visiun e nossas ideas el Cussegl grond. Gest il cumin dalla Foppa, il qual gioga ina rolla impurtonta enteifer la Surselva, duess eleger politichers che s’engaschan cun tutta forza per ils interess locals e regiunals a Cuera. Jeu sundel perschuadius che nossa regiun vegn era ad haver grond potenzial el futur, priu il cass che nus dein avon la dretga via. Persuenter drova ei denton persunas motivadas ed engaschadas ch‘ein promtas da semetter allas sfidas futuras.
Il cumin dalla Foppa sesanfla amiez la Surselva e surpren aschia ina funcziun impurtonta. La situaziun centrala ei problematica e cunvegnenta en ina. Dad ina vart profitescha l’entira regiun da quella funcziun da center, da l’autra vart ei ina gronda part exponida al traffic atras la regiun. Quei porta daners ella regiun, denton era bia traffic. Nossa regiun duess anflar cheu in equiliber persistent. E gest per quei equiliber vegnel jeu a s’engaschar el futur.
Politicamein schai miu focus tier ils puncts suandonts :
- Mobilitad e traffic: Bunas colligiaziuns per trens ed autos da posta
- Energie schubra: Effizienza d’energia e promoziun dallas energias regenerablas (sulegl, aua, lenna)
- Economia: Engrondiment dalla qualitad dil spazi economic ella Foppa e la scarica administrativa per fatschentas pintgas e mesaunas
- Planisaziun da territori: Moda da construcziun concentrada enstagl da destructuraziun, contingentar ni limitar las secundas habitaziuns ; scaffir territori per indigens
- Giuventetgna e scolaziun: Rinforzar la Foppa sco center da scolaziun regiunal (scola da mistregn, scola mercantila, scalem superiur); structuras dil di adequatas; saver cumbinar mistregn e famiglia
- Sport: La regiun da Glion sco center da sport ella Surselva. Glion sco center per giuventetgna e sport per l’entira Surselva.
- Natira: Protecziun digl ambient e dalla cuntrada ; rinforzament dall’agricultura regiunala e biologica
Engaschi politic
- Co-president da fundaziun dalla Partida verd-liberala dil Grischun
- Vicepresident dalla Partida verd-liberala dil Grischun
- Commember dalla suprastonza dalla Partida verd-liberala dalla Svizra
- Commember dalla suprastonza dil CTS Grischun
Scolaziun / mistregn
- Maturitad d’economia bilingua a Cuera
- Studi da scienzia da politica ed economia (senza finiziun)
- Compliance Officer tier ina banca privata el Principadi da Liechtenstein
Sco candidat giuven, dinamic ed engaschaus per il Cussegl grond representel jeu ina politica persistenta ed orientada a sligiaziuns. Susteni era Vus mei cun Vossa vusch e scrivi Simon Casutt silla gliesta per il Cussegl grond el cumin dalla Foppa.
Per damondas ni informaziuns sundel jeu contonschibels sut simon.casutt@grunliberale.ch ni sut 079 798 49 91. Engraziel fetg!
Risposta alla contribuziun da Aluis Maissen « Ina risposta necessaria » cumparida ella LQ dils 3 da matg 2010
La contribuziun ella Quotidiana dils 3 da matg da signur Aluis Maissen cul tetel poetic « Ina risposta necessaria » drova pilver ina cunterreplica, cunquei ch’igl autur plaida sulettamein da sia verdad construida pil agen diever. EI fa la pareta ch’igl autur seigi buc informaus fetg bein davart il process d’evaluaziun concernent il sustegn dils candidats ni dallas candidatas per la regenza. En quei connex fa ei da basegns da menziunar dus puncts: era ils candidats verd-liberals han survegniu il susteniment dallas associaziuns economicas. Els han denton buca suttascret quei program, cunquei ch’el cunterfar a certs principis da lur vesta da politica. Ils verd-liberals han buca vuliu lur sustegn, cunquei che els vulan restar independents e buca saltar tenor la pipa da certas lobis, e quei mo pervia dad in sustegn finanzial ed ideal. Bugen viel jeu era piarder enqual plaid arisguard la corrupziun, nua ch’igl autur ha giu la garmaschia da disfamar mia persuna e quei cun arguments che maretan buca da vegnir definir sco arguments, silmeins buca en in senn d’ina logica stringenta. Corrupziun vegn definau sco abus d’ina situaziun da confidonza ella politica, administraziun, economia ni giustia per survegnir in avantatg material ni immaterial. Ella scienzia politica vegn corrupziun definida tenor Harold Dwight Lasswell sco igl abus d’in interess general en favur d’in avantatg special. Il causal per quella definiziun ei pli che mo daus. Po denton esser che signur Maissen ei buca orientaus davart la definiziun da corrupziun ni ch’el disfamescha sappientivamein persunas che s’engaschan per ina politica independenta e che ein buca promts da seschar cumprar e manipular da certs lobists.
En connex culla iniziativa d’ina refuorma territoriala emblida signur Maissen da menziunar che quella iniziativa vegn lantschada proxima jamna dalla partida socialdemocratica e verd-liberala ensemen (e buca encunter) cullas associaziuns economicas. Gest quellas associaziuns economicas che sustegnan numerus candidats e candidatas ein era dalla partida, e nuota mo la partida socialdemocratica, sco signur Maissen emprova da far valer. En quei connex semuossa ei puspei che la pcd vul esser per zatgei e sch’ei va per la caussa concreta ein els passivs ni schizun encunter, el tudestg vegn ina tala politica numnada « wischiwaschi ». La partida verd-liberala sustegn e cooperescha fetg bein cullas associaziuns economicas, denton senza seschar cumprar – per els eisi evident e moralicamein inevitabel che politichers restien independents e s’engaschien per la societad e buca per lur atgna buorsa.
Igl ei era bein enconuschent che la Partida cristiandemocratica ha gudiu sin palancau naziunal ils davos onns avon la crisa sustegn finanzial dallas bancas. Gia leu eisi semussau che politichers e partidas cumpradas fan vess da far politica per il pievel (ins patratga mo vida l’entira historia cun las bancas ed ils bonis exorbitants). Sin palancau naziunal ein ils lobists gia daditg ina forza immensa che influenzescha cun bia milliuns il far e demanar da nos politichers. La pcd ed autras partidas el Grischun ein sin buna via da seschar far il medem cun els – cun suttascriver quels puncts han els ussa puspei fatg in pass en quella direcziun. Mintgin sto decider sez sche el ni ella vul eleger tals politicher ni buca – tenor miu meini ha nossa patria, nies Grischun denton meritau politichers libers, politichers che astgan aunc far politica per il beinstar dil pievel e buca mo per quels che han raps.
Simon Casutt, vicepresident Partida verd-liberala dil Grischun, Falera
Vor kurzem haben die Wirtschaftsverbände bekannt gemacht, welche RegierungsratskandidatInnen sie unterstützen. Mit Ausnahme der GLP, SP und des Parteilosen haben alle Kandidatinnen und Kandidaten dieses 9-Punkte-Programm unterschrieben. Diese Tatsache mag nicht überraschen, geben sich die Parteien der CVP, FDP, BDP und SVP doch ständig und bei jeder Möglichkeit als wirtschaftsfreundlich aus. Wenn man dieses 9-Punkte-Programm doch genauer anschaut, muss man sich verschiedene Fragen stellen: wie kann der SVP-Kandidat Brand dieses Programm unterschreiben, welches vorsieht, dass man das Wahlsystem erst dann ändern darf, wenn auch die Kantonsstrukturen auf allen Ebenen angepasst worden sind? War da nicht die SVP, welche vor kurzem die Proporzinitiative eingereicht hat? Und fordert nicht genau diese Initiative die Anpassung des Wahlsystems ohne eine Änderung der bestehenden Strukturen in Graubünden? Widerspruch? Wie können der CVP-Kandidat Cavigelli und die CVP-Kandidatin Cahannes Renggli dieses Programm vorbehaltlos (so wird es seitens der Wirtschaftsverbände gefordert) unterstützen, wenn gefordert wird, dass die Anzahl Gemeinden markant zu reduzieren sei? Hat nicht die CVP offiziell mitgeteilt, sie unterstütze die Strukturreforminitiative der Wirtschaftsverbände und der SP nicht, diese Initiative, welche genau diese Forderung beinhaltet? Widerspruch?
Fazit: nur um die Unterstützung der Wirtschaftsverbände zu erhalten, unterschreiben über die Hälfte der Regierungsratskandidaten dieses 9-Punkte-Programm im Wissen, dass sie bei gewissen Positionen und Forderungen diametral anderer Meinung sind und diese auch öffentlich vertreten, obwohl sie den Wirtschaftsverbänden eine vorbehaltslose Unterstützung zugesichert haben. Hier werden auf der einten Seite die Wirtschaftsverbände, und auf der anderen Seite die Bevölkerung hinters Licht geführt. Die Wählerinnen und Wähler werden dieses Spiel der Doppelmoral durchblicken. Oder wer will schon solche Personen im Regierungsrat, welche von den Lobbyisten gekauft worden sind und nicht mehr frei entscheiden können? Eines ist klar: alle Kandidatinnen und Kandidaten, welche dieses Programm unterschrieben haben, werden in Bedrängnis kommen; spätestens dann, wenn sie von den Wirtschaftsverbänden darauf aufmerksam gemacht werden, welche Forderungen sie vorbehaltlos unterstützt haben. Und spätestens dann ist ihre ganze Glaubwürdigkeit dahin, und dies zu Gunsten ihrer persönlichen Wahl und zu Lasten einer nachhaltigen Entwicklung in Graubünden und für deren Bevölkerung.
Wer nach dem 13. Juni 2010 unabhängige Kräfte in der Bündner Politik haben will, der wählt die GLP-Regierungsratskandidaten Josias F. Gasser und Jürg Kappeler, welche sich für das Wohl aller Bündnerinnen und Bündner einsetzen, und nicht nur für die Partikularinteressen der Wirtschaftsverbände.
Simon Casutt, Vizepräsident und GLP-Grossratskandidat, Falera
